- УÆЗÆФТАУ
- Адæхъызы чызг. Кæс АДÆХЪЫЗ. Йæ хорз æмæ рæсугъды кæй дардыл айхъуыст, æмæ Æхсæртæггатæ сфæнд кодтой сæхи йæ бакæнын. Иугай йæм усгур цæуын райдыдтой: Уырызмæг, зæгъай, Хæмыц, Сослан, Батрадз, Арæхдзау. Адæхъызы чызг Уæзæфтау дзы иуæн дæр разыйы дзуапп нæ радта. Уыцы хабар Ацæты Ацæ куы фехъуыста, уæд йæ усимæ сфæнд кодтой сæ иунæг фырт Ацæмæзæн Уæзæфтауы ракурын. Уæзæфтау йæхицæн мойæн равзæрста Ацæмæзы æмæ уый размæ Æхсæртæггатæн кæд дзуапп йæхæдæг лæвæрдта, уæд Ацæтимæ ныхас йæ мады бар бакодта, ды куыд зæгъай, ууыл æз разы дæн, зæгъгæ.
Словарь по этнографии и мифологии осетин. 2014.